Dokument Ligjor

Kushtet e Shërbimit

Hyrë në fuqi: 1 Janar 2025  ·  Azhurnuar: 14 Maj 2026

Këto Kushte Shërbimi ("Kushtet") rregullojnë marrëdhënien midis Consul International 1991 (emri tregtar: Consul), NUIS M61319502J, që operon nën markën guest.al ("Ofruesi", "ne"), dhe çdo personi fizik ose juridik ("Klienti", "ju") që përdor shërbimet tona. Duke na kontaktuar, duke kërkuar ofertë ose duke paguar për një shërbim, pranoni plotësisht këto Kushte.

1. Shërbimet e Ofruara

guest.al ofron shërbime optimizimi të qirave ditore për pronësi private në Republikën e Shqipërisë, duke përfshirë:

  • Listimi i Optimizuar (149€): Rishkrim i titullit dhe përshkrimit, optimizim amenitetesh, renditje strategjike fotosh, analizë çmimesh dhe raport i detajuar. Dorëzim brenda 48 orëve pune.
  • Listimi + Website (299€): Gjithçka nga paketa e parë, plus çmime dinamike sezonale, website rezervimesh direkte, koordinim Airbnb + Booking.com, dhe konfigurim përgjigje automatike. Dorëzim brenda 5 ditëve pune.
  • Shërbim i Plotë (499€): Gjithçka nga paketa e dytë, plus inspektim fizik i pronës, strategji sezoni e personalizuar, menaxhim kanalesh 30 ditë, dhe mbështetje e plotë 30 ditë pas dorëzimit. Dorëzim brenda 7 ditëve pune.

Përshkrime të detajuara të çdo shërbimi gjenden në faqen Sherbimet dhe Cmimet.

2. Konsultimi Fillestar

Konsultimi fillestar është plotësisht falas dhe pa asnjë detyrim. Gjatë konsultimit vlerësojmë pronën tuaj dhe rekomandojmë paketën e përshtatshme. Nuk jeni të detyruar të pranoni ndonjë ofertë.

3. Formimi i Kontratës

Kontrata midis jush dhe guest.al formohet kur:

  1. Keni marrë dhe pranuar ofertën me shkrim (email ose WhatsApp)
  2. Keni kryer pagesën sipas seksionit 4
  3. Ne kemi konfirmuar pranimin e pagesës

Puna fillon menjëherë pas konfirmimit të pagesës.

4. Çmimet dhe Pagesa

  • Të gjitha çmimet janë në Euro (€) dhe përfshijnë TVSH-në sipas legjislacionit shqiptar në fuqi
  • Pagesa kryhet para nisjes së punës, në tërësi
  • Metodat e pranuara: transfertë bankare, pagesa në dorë (Tiranë dhe Durrës)
  • Fatura/mandat shpenzi lëshohet brenda 5 ditëve pune nga data e pagesës
  • Çmimet mund të ndryshojnë; çmimi i vlefshëm është ai i konfirmuar me shkrim në ofertë

5. Dorëzimi i Shërbimeve

  • Afatet e dorëzimit janë ditë pune (E Hënë – E Shtunë) dhe fillojnë nga data e konfirmimit të pagesës
  • Klienti duhet të sigurojë akses të nevojshëm në llogaritë e platformave brenda 24 orëve nga fillimi i punës
  • Vonesa nga ana e Klientit në dhënien e aksesit ose informacionit mund të zgjasë afatin e dorëzimit proporcionalisht
  • Dorëzimi kryhet me email ose WhatsApp me raport të plotë të ndryshimeve të kryera

6. Detyrimet e Klientit

Klienti pranon të:

  • Sigurojë informacion të saktë dhe të plotë për pronën
  • Japë aksesin e nevojshëm vetëm për kohën e realizimit të punës
  • Mos ndërhyjë në ndryshimet e kryera pa njoftimin paraprak të guest.al brenda periudhës së shërbimit
  • Mos ripërdorë materialet e krijuara (përshkrime, tekste) pa marrëveshje me shkrim

7. Politika e Kthimit dhe Anulimit

  • Para nisjes së punës: kthim i plotë i shumës brenda 48 orëve nga pagesa, me kërkesë me shkrim
  • Pas nisjes së punës (0-50% e realizuar): kthim i 50% të shumës
  • Pas realizimit mbi 50%: nuk ofrohet kthim
  • Punë e dorëzuar plotësisht: nuk ofrohet kthim; ofrojmë korrigjime brenda 14 ditëve nëse puna nuk është sipas specifikimeve të rëna dakord

Inspektimi fizik (pjesë e paketës 499€) nuk rimbursohet pasi është kryer vizita.

8. Mbështetja pas Dorëzimit

Paketat "Listimi + Website" (299€) dhe "Shërbim i Plotë" (499€) përfshijnë mbështetje teknike 30 ditë pas dorëzimit. Kjo mbulë:

  • Korrigjime teknike të defekteve në punën e kryer
  • Pyetje dhe sqarime lidhur me ndryshimet e realizuara

Mbështetja nuk mbulon ndryshime të reja ose optimizime shtesë jashtë fushës së shërbimit të paguar.

9. Pronësia Intelektuale

  • Tekstet, përshkrimet dhe materialet e krijuara nga guest.al bëhen pronë e Klientit pas pagesës së plotë
  • guest.al ruan të drejtën e metodologjisë, proceseve dhe sistemeve të përdorura
  • Klienti i jep guest.al leje të përdorë rezultatet (shifrat, jo emrin) si rast studimor anonim, nëse nuk kërkohet konfidencialiteti

10. Kufizimi i Përgjegjësisë

  • guest.al nuk garanton rezultate specifike (numra rezervimesh, të ardhura) pasi këto varen edhe nga faktorë jashtë kontrollit tonë (sezoni, platformat, cilësia e pronës)
  • Përgjegjësia maksimale e guest.al nuk mund të kalojë shumën e paguar nga Klienti për shërbimin specifik
  • guest.al nuk është përgjegjës për humbje indirekte, të ardhura të humbura ose dëme të tjera pasuese
  • guest.al nuk mban aksese të përhershme në llogaritë tuaja dhe nuk është përgjegjës për ndryshime të platformave pas dorëzimit

11. Konfidencialiteti

Të dyja palët pranojnë të mbajnë konfidenciale informacionin e ndjeshëm tregtar të palës tjetër. Klienti nuk ka detyrimin të zbulojë të dhëna financiare specifike të pronës nëse nuk dëshiron.

12. Ndryshimet e Kushteve

guest.al ruan të drejtën të ndryshojë këto Kushte. Ndryshimet hyjnë në fuqi 14 ditë pas publikimit. Kontratat e ekzistuese mbarojnë sipas kushteve të rëna dakord.

13. Ligji i Zbatueshëm dhe Jurisdiksioni

Këto Kushte rregullohen dhe interpretohen sipas legjislacionit të Republikës së Shqipërisë. Çdo mosmarrëveshje që rrjedh nga këto Kushte do të zgjidhet fillimisht me negociata miqësore. Nëse negociatat dështojnë, mosmarrëveshja do t'i nënshtrohet juridiksionit ekskluziv të gjykatave kompetente të Tiranës.

14. Na Kontaktoni

Për çdo pyetje lidhur me këto Kushte: